Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Kickxia spuria

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Erbo-de-santo-Verounico

Kickxia spuria

Plantaginaceae Scrophulariaceae

Noms en français : Fausse velvote, Linaire bâtarde.

Descripcioun :
L'erbo-de-santo-Verounico es uno planto rebaladisso e di proun pelouso, que trachis dins li champ e armas, subretout sus l'argielo. Li flour soun pichouneto, jauno e vióuleto e pourtado pèr de long pecou. Se destrìo de sa cousino, la velvoto-fèro, Kickxia elatino, bonodi li fueio (soun de bratèio) que soun pas astado (dènt à la baso) eici. Coumpara emé la velvoto-fèro que ié sèmblo proun.

Usanço :
Couneissèn pas d'usanço particuliero pèr aquelo planto. Soun bessai li meme que pèr la velvoto-fèro.

Port : Grando erbo
Taio : 20 à 80 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Kickxia
Famiho : Plantaginaceae
Famiho classico : Scrophulariaceae

Coulour de la flour : Jauno Vióuleto
Petalo : irreguliero
Ø (o loungour) flour : 0,5 mm
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun
Jun à óutobre

Liò : Champ - Ermas - Colo
Estànci : Termoumediterran à Coulinen
Couroulougi : Éurasiatico
Ref. sc. : Kickxia spuria (L.) Dumort., 1829

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vitis riparia x Vitis rupestris & Kickxia spuria

ges

Coumpara Lambrusco(-bastardo) emé uno autro planto

Coumpara Erbo-de-santo-Verounico emé uno autro planto